Қазақ тілі мен әдебиеті апталығын өткізу туралы есеп

Қазақ тілі мен әдебиеті апталығын өткізу туралы есеп
2024 жылғы 11 мен 15 қараша аралығында «Тілім менің ғасырларға аманат» атты қазақ тілі мен әдебиеті апталығы өтті.
Мақсаты: мемлекеттік тілдің мәртебесін арттыру, оны меңгеруге деген қызығушылықты ояту, оқушыларға отансүйіспеншілік сезімін ояту.
Пәндік апталықтың ашылуына орай қазақ тілі мен әдебиеті пәнінің мұғалімдері дайындаған стенд пен шағын кітап көрмесінде қазақ классиктерінің жауһарлары, белгілі қазақ лингвистерінің өмірбаяны мен қазақ әдебиетінің тарихына арналған ақпарат пен әдебиетті орналасты. 
2024 жылдың 11 қарашасында апталықтың ашылуына арналған салтанатты жиында орта буын оқушылары мәнерлеп өлең оқып, патриоттық ән шырқады. Қазақ тілі  мұғалімдері оқушылар мен мұғалімдерді іс-шаралар жоспарымен таныстырып, өткізген шағын викторинада қатысушыларды дұрыс жауап бергені үшін кәде-сыйлықпен марапаттады.
2024 жылғы 12 қарашада қазақ тілі мен әдебиеті апталығы аясында А.Т. Садвакасова 9ә сыныпта "Құрмалас сөйлемнің түрлері"тақырыбында ашық сабағын өткізді. Сабақтың мақсаты: құрмалас  сөйлемнің түрлерін білу, мәтіннен алынған ақпаратты өмірліік мәселелермен байланыстыра білу. Сабақ басында айтылған бір-біріне тілектер оқушыларға   сенімділік беріп, сабаққа деген қызығушылықтарын  арттырды. Сабақ барысында мұғалім флипчарттарды, электрондық оқыту элементтерін пайдалана отырып мәтінмен жұмыс жасады. Сабақта қолданылатын өзара бағалау әдісі оқушыларға сыныптастарының білім деңгейін ғана емес, сонымен қатар өз білім қорларын бағалауға мүмкіндік береді. Сабақ тақырыбын меңгергенін "Блоб ағашы" рефлексиясы мүмкіндік берді.
Апталық жоспарына сай 13 қарашада Р.Т. Жакина 6ә сыныпта қазақ әдебиетінен А. Құнанбайүлы «Ғылым таппай мақтанба» ашық сабақ өтті. Сабақта белсенді әдіс-тәсілдер қолданылды. «Жұмыс столы» әдісі арқылы үй тапсырмасы тексерілді, «Серпілген сауал» әдісі, мағыналық картаны толтыру, концептуалдық кесте әдістері арқылы сабақтың тақырыбы ашылып, жаңа тақырып пысықталды. 
Балалар сабаққа белсенділік пен қызығушылық танытып, қатысып отырды. Оқушылар өз көңіл-күйлерін, қол жеткізген жетістіктерін «Білім шыңында» көрсетті. 
2024 жылдың 14 қарашасында мұғалім Б.Т. Ашимова 5-7 сыныптарда "Қазақ тілінің білімпазы"тақырыбында сыныптан тыс іс-шара өткізді. Меңгеру сапасын арттыруға мүмкіндік беретін көренкілік және үлестірмелі материалдар пайдаланылды. Іс-шара қызықты өтті.
2024 жылғы 14 қараша күні Р.Т. Жакина 8-11 сыныптар арасында "Қазақ тілі – мемлекеттік тіл" викторинасын өткізді. Іс-шараның басында қатысушылар сергіту сәті барысында өздерінің сөздік қорларын көрсетті. Содан кейін командаларға бөлініп, оқушылар мақал-мәтелдерді толықтырып, қысқа уақыт ішінде сұрақтарға жауап бере отырып, аударма дағдыларын қалыптастырды. Оқушылар іс-шара барысында көптеген әсер алды.
2024 жылы 15 қараша күні 1а сыныбында «Менің досым» тақырыбы бойынша ашық сабақ өтті. Сабақта оқушылар мәтін бойынша әртүрлі тапсырмалар орындады. Суреттермен жұмыс жасады, ауызекі сөйлеу дағдыларын қалыптастырды, диалог құрастырды, жазу дәптерлерінде тақырып бойынша тапсырмалар орындады. Сабақ кері байланыспен аяқталды, оқушылар керемет көңіл-күймен сабақты тәмамдады. 
2024 жылғы 15 қарашада қазақ тілі мен әдебиеті апталығы аясында А.Т. Садвакасова 3 А сыныбында " Жылдың төрт мезгілі" тақырыбында сыныптан тыс іс шара өткізді. Іс шараның мақсаты: Оқушыларды қазақ тілінде ауызекі тілде еркін сөйлеуге үйрету; қазақша байланыстырып сөйлеу дағдыларын қалыптастыру;сұрақтарға тез,дұрыс жауап беруді меңгерту,сөзжұмбақтарды шешу арқылы оқушылардың білімдерін шыңдап,ой-өрісін кеңейту.  Сабақ басында «Жылы сөз» тәсілі арқылы айтылған бір-біріне тілектер оқушыларға   сенімділік беріп, сабаққа деген қызығушылықтарын  арттырды. Сабақ барысында оқушылар  қысқа бейнефильм арқылы сабақтың мазмұнын болжады. Жаңа сөздерді пайдалана отырып «Джигсо» стратегиясы бойынша класстер жасады. Сонымен қатар оқушылар сабақ барысында  сұрақ-жауап,сөз құрау,жұмбақ шешу,тақырыптық әңгіме құру-көркем сөз (монолог),мақал толықтыру жұмыстарына белсенді қатысты.
Оқушыларға қазақ тілі мен әдебиеті апталығы барысында ребустар мен кроссвордтарды шешуге белсенді қатысқандары үшін шағын сыйлықтар табысталды.
Қазақ тілі мен әдебиеті мұғалімдері өзара қатысқан ашық сабақтар мен сыныптан тыс іс-шараларды қорытындылап, өз әдістемелік ұсынымдарын берді. Пәндік апта барысында мектеп сайты мен әлеуметтік желілерінде іс-шаралар өткізгені туралы ақпарат жарияланды. 
2024 жылғы 15 қарашада қазақ тілі мен әдебиеті апталығының қорытындысы шығарылып, оны өткізілгені туралы есеп дайындалды.

Орындаған: қазақ тілі мен әдебиеті мұғалімдері